Reiser med inhold

10. - 19. oktober 2023. Dette er ein tur vi i Fotefar temareiser alltid gler oss veldig til. Vi får oppleve tre fantastiske musikkbyar, Nashville med country, Memphis med blues og New Orleans med jazz. I Nashville får vi med oss Grand Ole Opry og countrymusikk på barar på Broadway Street. I Memphis besøkjer vi Elvis sin heim, Graceland og bluesklubbane på Beale Street. I New Orleans opplever vi jazzen på Bourbon Street og nyt folkelivet i Louis Armstrong sin fødeby. Dette er byar der musikken aldri sluttar å spele! Artisten Olav Stedje er med på heile turen og held minikonsertar.    

3 reiser neste tur 10 oktober

14. - 24. april 2024. Eva Bratholm og Joar Hoel Larsen tek oss med til Evita Peron sitt heimland på denne eksotiske turen til Argentina. Vi får også med oss ein liten smakebit av nabolandet Uruguay, men aller mest skal vi utforske den pulserande metropolen Buenos Aires. Her får vi oppleve dei ulike bydelane, frå fattige og fargerike La Boca, til det pulserande og levande Palermo og det hippe og tradisjonelle San Telmo. I det Paris-liknande strøket Recoleta bur vi godt på eit 4-stjerners hotell. Argentina er tangoen sitt heimland, og det blir tangoshow med tilhøyrande kurs for dei som ønsker det. På pampasen besøker vi ein ranch med den verdskjende grillmaten frå Argentina på fatet. Under måltidet nyt vi den berømte argentinske vinen, medan vi får eit forrykande tangoshow som blir etterfølgd med eit imponerande rideshow av gauchoane. Ein dag blir det båttur på Rio de la Plata over til Uruguay og byen Colonia del Sacramento som er oppførd på UNESCO si verdsarvliste. Eva Bratholm og Joar Hoel Larsen er med oss på heile turen. Joar har lang fartstid som korrespondent i Sør-Amerika. Han og Eva deler sin lidenskap for og sine kunnskapar om dette kontinentet med oss.    

1 reise 14 april 2024

5. - 11. oktober 2023. Paris - Melun - Fontainebleau - Giverny - Rouen - Honfleur. Vi i Fotefar temareiser er svært glade for å kunne tilby eit eksepsjonelt båtcruise på Seinen, den lengste elva i Frankrike. Cruiset startar i Paris og går sørover Seinen til byen Melun før vi snur nordvestover og seglar elva til enden ved den byen Honfleur ved Côte Fleurie. Vi får oppleve Fontainebleau-slottet, pittoreske Giverny med hagen til målaren Monet, historiske Rouen, idylliske Honfleur, og i tillegg får vi med oss dei viktigaste attraksjonane i Paris. Professor Sylfest Lomheim og historikar Rasmus Sunde er med på heile turen og lósar oss gjennom ved å ause av sine store kunnskapar om fransk kultur, språk, politikk og historie med særleg fokus på Normandie. Sidan vi går i land kvar dag, vert det gode høve til å komme tett på byliv, landskap og attraksjonar. Sylfest kjenner landsdelen frå innsida, både frå yrkesliv og gjennom si familie-tilknyting. På elvecruiset vårt bur vi svært godt på Seine Princess, eit hyggeleg, førsteklasses cruiseskip med 67 lugarar som alle er utvendige. Alle lugarar har også bad med dusj, hårtørkar, TV, safe og aircondition. Det er “All inclusive” om bord med nydeleg mat og drikke inkludert. Vi har heile båten for oss sjølve, så dette blir ei unik oppleving med foredrag av Sylfest Lomheim og Rasmus Sunde om bord på båten anten før eller etter lunsj. Dei to vil også guide i Paris, i Rouen og Honfleur. Nokre kveldar legg vi opp til litt underhaldning etter middag der Sylfest blant anna tek fram gitaren og spelar og syng litt. I foredraga og i guidinga vil Sylfest og Rasmus ta for seg følgjande emne: - vikingtida, hertugdømme Normandie og Gange-Rolv - den norrøne 'ord-invasjonen' og dei mange stadnamna med norsk-dansk opphav - dei lange linjene i historia til Normandie - kjende historiske personar som har levd der, som Jeanne d'Arc og Olav den heilage - Edith Piaf sitt liv - Normandie sitt jordbruk og næringsliv - normannisk mat og drikke - krig og fred i Normandie                                                                       - den franske revolusjonen og Napoleon    

4 reiser neste tur 5 oktober

26. - 30. juli 2024. Eit besøk til Færøyane er ei fantastisk oppleving. Den storslegne naturen er ei av årsakene til at National Geographic har kåra Færøyane til det beste reisemålet av alle øyar i verda. Landet med knapt 50 000 innbyggjarar har også meir enn særeigen natur å by på. Folka på Færøyane er opne og hyggelege, og dei har ei spennande historie og eit rikt kulturliv. Eit av høgdepunkta for mange er båtturen til dei stupbratte klippene og grottene ved fuglefjellet Vestmannabjørgini. Den aller største hendinga gjennom året på Færøyane er Ólavsøka i juli. Det er ein stor folkefest med feiring av nasjonaldagen den 29. juli. Tórshavn har ca. 18 000 innbyggjarar, men under Ólavsøka, som eigentleg betyr vakenatt, blir folketalet dobla. Færøyingane har lagt nasjonaldagen sin til olsok, som er til minne om Heilag Olav som fall på Stiklestad 29. juli 1030. Historia til Færøyane er sterkt knytt til Norge, då det lenge var ein del av Norgesvelde. Kong Sverre voks opp her, og vi besøkjer garden han kom ifrå, Kirkjubøur. Vi i Fotefar har sikra oss hotellrom og er glade for å kunne tilby kundane våre denne eineståande opplevinga også i 2024. Med oss har vi Kirsti MacDonald Jareg som fagguide. Ho har skrive reiseskildringar om fleire av øyane i vest og er oppteken av menneska som bur der.    

2 reiser neste tur 26 juli 2024

8. - 15. juni 2024. Velkommen med på vandreturar i vikingane sine fotefar til Shetland. Vi startar med direktefly frå Bergen til Shetland, der vi bur fint til i den vesle bygda Brae. Derifrå skal vi utforske det grøne, gjestfrie landskapet i dette øysamfunnet som har så mange spor etter vikingane. Vi besøkjer dei berømte ruinane av den prehistoriske busetnaden Jarlshof og stader som er sentrale i sagalitteraturen. I tillegg får vi med oss dei viktigaste minnesmerka knytte til Shetlandsgjengen under krigen. Vi legg opp til relativt korte vandreturar (ca. 2-3 timar) i lett terreng dei fleste dagane, og med sjanse til ekstraturar for dei sprekaste. Vandreturane kan klassifiserast som relativt lette, men nokre få av dei går på umerka stiar i litt ujamt terreng.    

1 reise 8 juni 2024

31. oktober - 7. november 2023. Paradisøya Madeira, perla i Atlanterhavet, kan samanliknast med ein flytande hage. Vulkansk oske og lava har gitt øya eit svært næringsrikt jordsmonn. Same kva årstid vi vel å besøkje øya, så kan vi nyte ein enorm blomsterprakt. Denne fruktbare øya er eit botanisk paradis, og blomstrar som begonia, julestjerne og oleander veks her vilt som store busker og tre. Madeira er ei ”dramatisk” øy, eksotisk grøn med lys som gir landskapet eit spesielt skimmer. Vi skal bu like utafor sentrum av hovudstaden på Madeira, Funchal. Byen står i dag fram som svært moderne og spennande, medan jordbruket for ein god del framleis blir dyrka etter tradisjonelle metodar. Hakke og ljå er vanlege reiskapar, og generasjonar har dyrka vin og bananar på dei karakteristiske terrasse-åkrane opp etter fjellsidene. Vandreturane langs vatningskanalane levadaane, som knyter saman heile Madeira i eit gigantisk nettverk, må berre opplevast. Vandreturane varierer mellom 6 til 11 km, og vi går i roleg tempo på gode stiar gjennom eit skiftande og fantastisk landskap. Alle dagsturane er relativt lette og går på nokså flate stiar. Elles skal vi kose oss med nydeleg mat og god vin, og hotellet vårt med fire stjerner har mange flotte fasilitetar.    

1 reise 31 oktober

22. - 24. november 2023  Bli med Fotefar og reiseleiarane Anne Henden og Rasmus Sunde til Oset Fjellhotell. Dette unike hotellet ligg på Golsfjellet midt mellom Hallingdal, Hemsedal og Valdres. Hotellet og området rundt er eit eldorado der ein kan nyte både aktive og avslappande dagar. Oset har i ei årrekke arrangert julemarknad og julebord i førjulstida, og det er nettopp derfor Fotefar har valt å reise hit for ei heimekoseleg ramme rundt julemarknad og julebord for deltakarane våre. Her kan vi senke skuldrane og berre kose oss i godt selskap. Det blir god mat og høve til dans kvar kveld etter levande musikk. Utanfor hotellet er tilhøva fine for ein lett fjelltur for dei som ønsker det.   Gudrun og Per Jørgen er 5. generasjon som driv hotellet, og dei gjer sitt aller beste for at gjestene skal trivast og kjenne på den gode atmosfæren på hotellet. Slagordet deira er Rausheit og omsorg sidan 1880.  Deltakarane kan komme seg til Oset Fjellhotel på fleire måtar. Fotefar legg opp til busstransport frå Førde, via Skei, Sogndal og Lærdal. Ein kan ta tog frå Oslo og Bergen, og bli henta med buss på Gol stasjon. For somme passar det best å nytte eigen bil. (Ta kontakt for oppdatert pris dersom du vel denne løysinga.)   

2 reiser neste tur 22 november

17. - 24. oktober 2023. Kan du tenke deg å få eit overblikk over sentrale deler av verdshistoria på ei veke? På denne turen får du oppleve daglege foredrag frå professor Terje Tvedt om verdshistoria - heilt frå dei første sivilisasjonane og fram til i dag. Han vil i desse foredraga sjå på denne historia med Middelhavet/Kreta og Noreg som utgangspunkt, for å gjere Kreta tydelegare for oss med vår norske bakgrunn. Tvedt er velkjend som forskar og formidlar, og bøkene hans om verdshistoria og Nilen har vorte bestseljarar og er blitt omsett til mange språk. Han har og vore forfattar av og programleiar for fleire TV-dokumentarar om verdshistoria og vassvegane som er blitt viste over heile kloden. Vi bur godt på eit sentralt hotell i den tradisjonsrike byen Chania, som mange meiner er den vakraste på Kreta. Byen har ei spennande historie, ein rik kulturarv og ein pittoresk atmosfære som har tiltrekt reisande i lange tider. Kreta har hatt ein svært viktig rolle i europeisk historie, med den sentrale plasseringa si i Middelhavet. Det blir felles dagsutflukt til Heraklion og det verdskjende Knossos-palasset. Vi arrangerer også  utflukt til ein vingard, oldtidsbyen Rethymno og til den vakre Elafonissi-stranda som er kjend for den rosenraude sanden sin. Elles blir det god tid til å oppleve øya i sitt eige tempo, senke skuldrane og kose seg under den greske sola. Det ligg også flotte badestrender like inntil byen.  

2 reiser neste tur 17 oktober

30. mai - 3. juni 2024. Med kåseri av Bård Ose. Bli med på ein underhaldande Beatles-tur til Liverpool! Dette er ein av turane vi får aller best tilbakemeldingar på. Dagane startar med Bård Ose sine kåseri på hotellet, der han fortel historier og anekdotar om Beatles og dei andre kjende musikarane frå byen. Vi besøkjer sjølvsagt legendariske Cavern Club og får oppleve stemninga på Penny Lane og magiske Strawberry Fields. Elles får vi vite kven Eleanor Rigby eigentleg var og mykje anna om livet og musikarane i denne legendariske musikkbyen. Og ein tur med «Ferry across the Mersey» står naturlegvis på programmet. Det blir mange konsertar med fantastiske cover-band som spelar Beatles-musikk så likt originalen at ein skulle tru ein var tilbake på slutten av 60-talet.    

2 reiser neste tur 30 mai 2024

16. - 20. oktober 2023. Berlin er hovudstaden i Tyskland, og blir av mange rekna som den mest spennande storbyen i Europa. Dette er lett å skjønne, på grunn av byen si svært interessante historie og rike kultur- og musikkliv. Vi er svært glade for å tilby deltakarane våre ein stor klassisk konsert i Philharmonie, med Zubin Mehta som dirigent i bl.a. Mahlers 5. symfoni. Ein kan også få med seg operaen Fidelo av Beethoven på vakre Staatsoper Unter den Linden. Gjennom guiding i dei sentrale delane av Berlin, som i paradegata Unter den Linden, blir vi kjende med dei flotte og monumentale bygningane som vart mykje øydelagde under krigen, men er vakkert restaurerte. Vi fokuserer elles på keisartida, nazismen og 2. verdskrig, i tillegg til den kalde krigen og delinga av Tyskland, og organiserer også besøk til kunst- og historiemuseum. Det blir også tid til å sette seg ned på ei av kneipene ved Unter den Linden, kose seg med noko i glaset og sjå på det yrande folkelivet. Historikaren Rasmus Sunde er guide på vandreturane i Berlin, og Lars Nes, med sin musikkbakgrunn, tek seg av musikkprogramma, kunstmusea og ein del guiding elles.    

3 reiser neste tur 16 oktober

7. - 14. november 2023. Paradisøya Madeira, perla i Atlanterhavet, kan samanliknast med ein flytande hage. Vulkansk oske og lava har gitt øya eit svært næringsrikt jordsmonn. Same kva årstid vi vel å besøkje øya, så kan vi nyte ein enorm blomsterprakt. Denne fruktbare øya er eit botanisk paradis, og blomstrar som begonia, julestjerne og oleander veks her vilt som store busker og tre. Madeira er ei ”dramatisk” øy, eksotisk grøn med lys som gir landskapet eit spesielt skimmer. Vi skal bu like utafor sentrum av hovudstaden på Madeira, Funchal. Byen står i dag fram som svært moderne og spennande, medan jordbruket for ein god del framleis blir dyrka etter tradisjonelle metodar. Hakke og ljå er vanlege reiskapar, og generasjonar har dyrka vin og bananar på dei karakteristiske terrasse-åkrane opp etter fjellsidene. Vandreturane langs vatningskanalane levadaane, som knyter saman heile Madeira i eit gigantisk nettverk, må berre opplevast. Vandreturane varierer mellom 6 til 11 km, og vi går i roleg tempo på gode stiar gjennom eit skiftande og fantastisk landskap. Alle dagsturane er relativt lette og går på nokså flate stiar. Elles skal vi kose oss med nydeleg mat og god vin, og hotellet vårt med fire stjerner har mange flotte fasilitetar.    

1 reise 7 november

21. - 28. november 2023. Paradisøya Madeira, perla i Atlanterhavet, kan samanliknast med ein flytande hage. Vulkansk oske og lava har gitt øya eit svært næringsrikt jordsmonn. Same kva årstid vi vel å besøkje øya, så kan vi nyte ein enorm blomsterprakt. Denne fruktbare øya er eit botanisk paradis, og blomstrar som begonia, julestjerne og oleander veks her vilt som store busker og tre. Madeira er ei ”dramatisk” øy, eksotisk grøn med lys som gir landskapet eit spesielt skimmer. Vi skal bu like utafor sentrum av hovudstaden på Madeira, Funchal. Byen står i dag fram som svært moderne og spennande, medan jordbruket for ein god del framleis blir dyrka etter tradisjonelle metodar. Hakke og ljå er vanlege reiskapar, og generasjonar har dyrka vin og bananar på dei karakteristiske terrasse-åkrane opp etter fjellsidene. Vandreturane langs vatningskanalane levadaane, som knyter saman heile Madeira i eit gigantisk nettverk, må berre opplevast. Vandreturane varierer mellom 6 til 11 km, og vi går i roleg tempo på gode stiar gjennom eit skiftande og fantastisk landskap. Alle dagsturane er relativt lette og går på nokså flate stiar. Elles skal vi kose oss med nydeleg mat og god vin, og hotellet vårt med fire stjerner har mange flotte fasilitetar.    

1 reise 21 november

4. - 7. desember 2023. Bli med på julemarknad og klassisk konsert til fantastisk flotte Wien. Denne byen har alt ein kan ønske seg av ein europeisk storby med storslegne slott, praktfulle bygningar, konsertar, galleri og museum. Den sjarmerande bykjerne står på UNESCO si verdsarvliste. Heilt frå omkring 1800 har Wien vore den leiande musikkbyen i verda med berømte komponistar og utøvande kunstnarar. Vi kjenner alle til den årlege nyttårskonserten frå Wien som blir TV-overførd til heile verda. Frå siste helga i november og ut desember blir byen forvandla til eit juleparadis. Her finn vi ein julemarknad på nesten kvart einaste torg, der ein kan kose oss med blant anna rista mandlar, nydeleg glühwein og andre godsaker. Salsbuene blir fylte med julepynt, ymse handverk og lokale matvarer medan folk strøymer til. I tillegg til julehandel legg vi opp til bysightseeing, konsert på vakre Schönbrunn slott, og vi bur sentralt på eit 4-stjerners hotell i sentrum av byen.    

1 reise 4 desember

7. - 15. oktober 2024. Etter fleire reiser med Fotefar, blir det endeleg tur til Egypt og båtreise på Nilen med professor Terje Tvedt! Det er dette han kan aller best! Boka hans «Nilen – Historiens elv» har vorte ein stor bestseljar i Norge og i utlandet og er omsett til mange språk, deriblant arabisk og kinesisk. VG sin anmeldar skriv dette om boka: «Tvedt har for lengst markert seg som en suveren formidler, både i tekst og i fjernsynsserier. Vann er hans lidenskap, og boken om Nilen er bare en fabelaktig ferd på en vakker elv, med historie og politikk og kultur.» Vi startar med nokre dagar i Kairo der vi får med oss Det egyptiske museet og pyramidane i Giza. Det blir vidare sjans til å melde seg på ei dagsutflukt til Alexandria, før vi tek fly til Luxor og går om bord i den chartra båten vår, MS Amwaj Livingstone. Vi har heile skipet vårt for oss sjølve, og på turen blir det spennande førelesingar frå Terje Tvedt om Nilen si historie. Etter at vi kjem fram til Aswan, blir det sett opp dagsutflukt til Abu Simbel-tempela, bygd av Ramses den andre. Bli med på ei heilt unik reise på den sagnomsuste Nilen saman med ein av verdas leiande ekspertar, og få ei djupare forståing av Egypts rike kultur og historie!    

1 reise 7 oktober 2024

28. august - 1. september 2024. Med Bård Ose. Velkommen med på ein tur full av musikk og musikkhistorie – frå irsk tradisjonsmusikk til rock og pop. Vi startar kvar dag med Bård Ose sine kåseri på hotellet, der han fortel historier og anekdotar om Thin Lizzy, Van Morrison, Rory Gallagher og U2 og andre irske musikarar. Bård har blant anna skrive bøker om  Vinskvetten ,  The Beatles ,  The Rolling Stones  og vore medforfattar av Norsk pop & rock leksikon. Han er ein av programleiarane for radioprogramma  P.I.L.S  og  Radio Rock  som går på  NRK P1 , samt programleiar for Ren 60 og Gammelnorsk på  NRK P1+. Vi besøkjer sjølvsagt det berømte området Temple Bar. Det blir pub til pub-runde med den beste irske tradisjonsmusikken og besøk på Irish Rock ‘N’ Roll Museum. Eit anna høgdepunkt er besøket på legendariske Windmill Lane Studios, der fleire store stjerner har spelt inn plater. Velkommen med på ein unik tur stappfull av store musikkopplevingar!    

2 reiser neste tur 28 august 2024

9. - 13. november 2023.   På 1900-talet og fram til i dag har spenningane mellom aust og vest i Europa ført til mange alvorlege konfliktar og krigar. Berlin har på fleire måtar stått i sentrum for denne aust/vest-spenninga gjennom keisartid, to verdskrigar og nazismen, i tillegg til den kalde krigen og delinga av Tyskland. Etter oppløysinga av Sovjetsamveldet og innføringa av demokrati i landa i Aust-Europa, rådde det optimisme i verdsdelen vår. Utviklinga i Russland under president Putin har gått i svært negativ lei med annekteringa av Krim og invasjonen i Ukraina. På nytt er Europa inne i ein frykteleg krig som ein ikkje ser enden på. På seks forelesingar tek historikaren og den kjende journalisten Hans-Wilhelm Steinfeld oss gjennom dette turbulente hundreåret i europeisk historie. Som korrespondent har han i mange år levd svært tett på fleire av dei dramatiske hendingane i Europa dei siste 40 åra. Gjennom forelesingane får vi servert dei store historiske linjene i europeisk historie og kjem også nær inn på hendingane gjennom guiding og ekskursjonar. Vi skal også merka oss datoen første dagen i Berlin. 9. november i 1918 abdiserte keisar Wilhelm. Under den såkalla krystallnatta 9. november 1938 øydela nasjonalsosialistane synagogar, jødiske butikkar og husvære, og 9. november 1989 fall Berlinmuren.      

1 reise 9 november

07. - 13. februar 2024. Den kjende språkmannen professor Sylfest Lomheim er reiseleiar til Israel og Palestina, desse spennande og motsetnadsfylte landa i Midt-Austen. Tidleg på totusentalet var han med på å nyomsetje Lukas, Markus, Matteus og Apostelgjerningane. Han har blant anna skrive Adam og Eros (Dreyer 2013), der han har samla opp historier om ord og uttrykk frå Bibelen og mytologi, ei bok med mange underhaldande anekdotar. Lomheim tek oss med på ei fascinerande reise til dei kjende bibelstadene i Jerusalem, som Klagemuren, Salomos tempel, Via Dolorosa, Golgata, Jesu grav, Pilatus si borg, Sions berg, og Tempelhøgda med den vakre moskeen Al-Aqsa. I tillegg får deltakarane dagsturar til blant anna Nasaret, Jeriko, Betlehem, Daudehavet og Kapernaum. Sjølvsagt blir det lunsj ved Genesaretsjøen – med fisk på menyen. Alle får ved starten på turen eit eksemplar av Lomheims roman Menneskesonen som kom ut i april 2021, og boka er inkludert i turprisen.    

2 reiser neste tur 7 februar 2024

12. - 16. april 2024. I 2024 er det 61 år sidan Edith Piaf døydde, og over 100 000 franskmenn følgde ho på veg til gravlunden Père-Lachaise. I sitt korte liv hadde Piaf rørt millionar av menneske med sine sterke, men sårbare songar. Musikken hennar er ikkje gløymd, men når stadig nye generasjonar, og det kjem framleis filmar, musikalar og bøker om «Spurven» frå den fattige bydelen Belleville. På denne turen kjem vi nærare innpå både mennesket og artisten Edith Piaf. Vi skal oppleve dei gamle, tradisjonsrike kafeane i Montmartre, Pigalle og Belleville der Piaf spelte, og vandre i gatene der ho tente sine første myntar som gatesongar. Med på turen blir Herborg Kråkevik som har turnert med Piaf-forestilling, gitt ut albumet “Piaf og eg” og laga ein dokumentar om artisten for NRK. Herborg blir med oss på heile turen og held to minikonsertar med Piaf sine songar. Bergens Tidende skriv dette om Kråkevik si Piaf-tolking: «Ikke fordi Herborg etterlikner den franske Spurven, men fordi hun tolker henne med sine egne følelser, sitt eget hjerte og sin egen stemme. Det blir ekte varer av slikt.»    

2 reiser neste tur 12 april 2024

22. mai - 4. juni 2024. Velkommen med på det store cruiset i Vesterled. Det er ikkje ofte sjansen byr seg til å oppleve så mange av desse interessante øyane - både store og små - på ei reise! Vi startar med fly til London, der vi overnattar før vi går om bord i cruiseskipet Ambience. Derifrå går ferda til Kirkwall på Orknøyane og vidare til Torshavn på Færøyane. Skipet set så kurs nordover mot Reykjavik på Island før turen går rundt heile sagaøya med besøk i fleire hamner. Deretter seglar vi sørover igjen til Lerwick på Shetland før vi returnerer til London. Undervegs blir det spennande foredrag av Tore Skeie om vikinghistoria, og av Gunnstein Akselberg om dei språklege fellestrekka vi har med vesterhavsøyane. Tore Skeie har skrive fleire sakprosabøker om mellomalder og vikingtid, og han er kanskje mest kjend for boka Hvitekrist, som handlar om Olav Haraldsson og hans tid. Gunnstein Akselberg er lingvist og professor emeritus i nordisk språkvitskap. Han har  i mange år hatt språkspalta «Snakk med oss» i NRK Hordaland, og han er også kjend frå programmet «Eides språksjov» på  NRK1. Det er første gong nokosinne at Fotefar temareiser kan tilby eit cruise til alle desse øyane på same turen. I tillegg går båten rundt heile Island.  Dette er ein heilt unik tur som vil bli eit minne for livet!    

9 reiser neste tur 22 mai 2024

20. - 30. august 2024. Nasjonalparkar, indianarar og cowboyar. Vi er glade for å kunne presentere ein skikkeleg cowboytur til den ville vesten. Dette er ein ekte roadtrip gjennom statane Colorado, Nebraska, Sør-Dakota, Wyoming og Montana, der nokre av høgdepunkta blir: Oppleving i Pine Ridge-reservatet og møte med folk frå Oglala-stammen Wounded Knee, der ein av dei verste massakrane av Sioux-indianarar fann stad Badlands nasjonalpark Mount Rushmore med dei fire presidentane utskorne i fjell Crazy Horse-monumentet Sioux-indianarane sitt heilage område i Black Hills Landsbyen Sundance, gjort kjend av The Sundance Kid Landemerket Devil’s Tower Overnatting på westernhotellet The Occidental, der Butch Cassidy har overnatta Little Big Horn, slaget der general Custer døydde Rodeo i cowboybyen Cody Overnatting på Irma Hotel bygd av Buffalo Bill Yellowstone og Teton National Park Eva Bratholm og Joar Hoel Larsen er reiseleiarar på turen. Eva har tidlegare vore korrespondent i USA og har skrive fleire bøker om landet. Joar har lang fartstid som USA-kjennar og journalist. Han har skrive fleire bøker, blant anna “Cowboyer i amerikansk politikk frå Davy Crocket til George W. Bush”. Ekteparet har reist mykje i området der turen vår går. Dei vil fortelje historier og anekdotar om dei kjende namna frå western-historia som Sitting Bull, Jesse James, Wyatt Earp, Annie Oakley Buffalo Bill, general Custer, Calamity Jane, Wild Bill Hickok og mange andre. Vi kan love ein eineståande tur til eit av dei mest spennande områda i USA. På første delen av turen kjem vi nær innpå samfunnet, kulturen og historia til Sioux-indianarane. Her blir det både omvising på ein av ungdomsskulane deira og på colleget i reservatet. I tillegg blir det høve til å møte og stille spørsmål til representantar frå Ogalala-stammen. På veg vestover møter vi byar som har vore sentrale i westernhistoria og i ei mengd filmar og seriar. Her finn vi blant anna opptaksstaden til serien «Den ville vesten» som var så populær i Norge på 80-talet. Velkommen med på ein skikkeleg ville vesten tur!  

2 reiser neste tur 20 august 2024

15. - 19. april 2024 Bli med Fotefar på ein unik tur til historiske og vakre Sør-Italia. På denne turen skal vi få oppleve den ekte smaken av Campania og folkelivet på den italienske landsbygda. Vi bur i Benevento der fleire monument er frå Romarriket. Mest kjend er Arco di Traiano eller Trajanbogen, som vart oppført i åra 114–117 til ære for keisar Trajan.  Eit anna monument er Teatro romano di Benevento, eit godt verna romersk amfiteater med plass til rundt ti tusen tilskodarar og vart først bygd under keisar Hadrian i år 126. Det er italienske Giovanni og norske Nils Johan som er vertskapet vårt desse dagane. Dei skal ta oss med til sin eigen olivengard Uliveti Castel San Martino ved landsbyen Solopaca. Vi vil få smake på det beste av olivenolje, ost, pasta vin og skinke frå området - alt frå handplukka småprodusentar. Det er viktig for Giovanni og Nils Johan at vi får møte menneska som produserer maten, så på denne turen kjem vi tett på folka og kulturen i landsbyane. Det vert også litt tid til å senke skuldrane og nyte det gode livet i Italia. I tillegg vert det høve til å bli med på ei dagsutflukt til vakre Sorrento, som er kjend for solmodne appelsinar og sitronar. På Sorrento-halvøya møter dei bratte klippene azurblått hav, og legendene fortel om havfruer som brukte å sole seg på klippene i Sorrento og lokke til seg mang ein sjømann.    

2 reiser neste tur 15 april 2024

5. - 12. mars 2024. Paradisøya Madeira, perla i Atlanterhavet, kan samanliknast med ein flytande hage. Vulkansk oske og lava har gitt øya eit svært næringsrikt jordsmonn. Same kva årstid vi vel å besøkje øya, så kan vi nyte ein enorm blomsterprakt. Denne fruktbare øya er eit botanisk paradis, og blomstrar som begonia, julestjerne og oleander veks her vilt som store busker og tre. Madeira er ei ”dramatisk” øy, eksotisk grøn med lys som gir landskapet eit spesielt skimmer. Vi skal bu like utafor sentrum av hovudstaden på Madeira, Funchal. Byen står i dag fram som svært moderne og spennande, medan jordbruket for ein god del framleis blir dyrka etter tradisjonelle metodar. Hakke og ljå er vanlege reiskapar, og generasjonar har dyrka vin og bananar på dei karakteristiske terrasse-åkrane opp etter fjellsidene. Vandreturane langs vatningskanalane levadaane, som knyter saman heile Madeira i eit gigantisk nettverk, må berre opplevast. Vandreturane varierer mellom 6 til 11 km, og vi går i roleg tempo på gode stiar gjennom eit skiftande og fantastisk landskap. Alle dagsturane er relativt lette og går på nokså flate stiar. Elles skal vi kose oss med nydeleg mat og god vin, og hotellet vårt med fire stjerner har mange flotte fasilitetar.    

1 reise 5 mars 2024

27. juli - 3. august 2024. Velkommen med på vandreturar i vikingane sine fotefar til Shetland. Vi startar med direktefly frå Bergen til Shetland, der vi bur fint til i den vesle bygda Brae. Derifrå skal vi utforske det grøne, gjestfrie landskapet i dette øysamfunnet som har så mange spor etter vikingane. Vi besøkjer dei berømte ruinane av den prehistoriske busetnaden Jarlshof og stader som er sentrale i sagalitteraturen. I tillegg får vi med oss dei viktigaste minnesmerka knytte til Shetlandsgjengen under krigen. Vi legg opp til relativt korte vandreturar (ca. 2-3 timar) i lett terreng dei fleste dagane, og med sjanse til ekstraturar for dei sprekaste. Vandreturane kan klassifiserast som relativt lette, men nokre få av dei går på umerka stiar i litt ujamt terreng.    

1 reise 27 juli 2024

30. desember 2023 - 1. januar 2024. Ring inn det nye året med eit elvecruise på den vakre elva Rhinen, som ligg på grensa mellom Tyskland og Frankrike. Denne nyttårshelga seglar vi frå Strasbourg til Breisach, og vi får oppleve desse vakre byane i hjartet av Europa. Du får sjå folkerike Strasbourg sine majestetiske katedralar og kanalar, samt den sjarmerande småbyen Breisach, som kombinerer romansk og gotisk stil på ein perfekt måte. Høgdepunkt på cruiset: Eit kort elvecruise for ein unik nyttårsaftan Nyttårsaftansmiddag med vin og eit glas champagne Byen Breisach og den imponerande St. Stephen-katedralen Rhinen er kjend for sitt imponerande landskap, og under dette cruiset blir vi vitne til denne vakre naturen. Vi passarar sjarmerande vinmarker, frodige skogar og idylliske landsbyar langs elvebreidda. Under heile cruiset har vi nasjonalparken Schwarzwald (den svarte skogen) mot søraust og kan beundre synet av fjella i det fjerne. Både Strasbourg og Breisach har vakker arkitektur, historiske monument og eit pulserande kulturliv. Vi får også oppleve den tyske og franske kulturen, som smeltar saman i dette området.

2 reiser neste tur 30 desember

7. desember - 10. desember 2023. Fotefar har gleda av å invitere til ei kulturell langhelg i Roma, denne vakre byen som blir kalla “Den evige stad”. Den eine kvelden har vi sikra deltakarane våre billettar til operaen Tosca av Giacomo Puccini , som vert vist på ærverdige Teatro dell'Opera di Roma. Dette er den same scena som operaen vart urframført på den 14. januar 1900. Vi bur på eit 4-stjerners hotell som ligg plassert rett ved den fargerike og stemningsfulle bydelen Trastevere. Hotellet ligg også sentralt i forhold til mange av attraksjonane i Roma. Vi skal få med oss ei Tosca-vandring, der vår skandinavisktalande guide har fokus på stader nemnd i operaen. Du vil også få tid til å senke tempoet, vandre i gatene og ta ein caffè latte på ein kafé, medan vi ser på folkelivet og nyter atmosfæren. Denne turen blir ei minnerik oppleving, både for dei som har vore i Roma tidlegare, og for dei som reiser dit for første gong.    

2 reiser neste tur 7 desember

24. juni - 1. juli 2024. Bli med Dag Lindebjerg til idylliske og interessante Hebridane, utanfor allfarveg. I følgje National Geographic ligg Hebridane «på kanten av verda». Øygruppa består av over 500 større og mindre øyar, og i underkant av 100 av desse har busetnad. På turen gjer vi oss kjende med Isle of Skye på Indre Hebridane, og med Ytre Hebridane, øyriket som tidlegare høyrde til Norge, men som no lenge har vore ein del av Skottland. Saman med Dag Lindebjerg skal vi vitje fleire av øyane, lære om historia, og få oppleve den spesielle kulturen til dei gjestfrie folka. Han vil med sin fengjande forteljarkunst dele kunnskapane sine om 6000 års historie, og kvardagslivet i dag på øyane. Dag Lindebjerg er ein journalist frå Bergen og er kjend som sportskommentator for NRK. I tillegg har han i mange år vore programleiar både i radio og TV for fleire ulike seriar. Etter serien han laga frå Vesterhavsøyane, ville han gjerne tilbake til øyane. Han vart reiseleiar, og mange har hatt glede av å vere med han på kjekke turar. No kan det vere din tur!       

1 reise 24 juni 2024